ԿիրակիՍեպտեմբեր 21
  • USD 407.63
  • EUR 525.07
  • RUB 10.6

Ամերիկյան դատարանը մերժել է ազատ արձակել հայ մաֆիոզներին

15:53, 22.10.2010 Տարածաշրջան: Աշխարհում, Հայաստան Թեմա: Հասարակություն, Պատահարներ

Գլենդեյլի երեք բնակիչներ, ովքեր ձերբակալվել էին անցած շաբաթ ապահովագրական մեքենայությունների կասկածանքով, դատարանի վճռով մնալու են անազատության մեջ, քանի որ ԱՄՆ տնտեսության համար վտանգ են ներկայացնում:

Շրջանային դատավոր Ֆերնանդո Օլգինը մերժել է 36-ամյա Վարդան Բոյաջյանի, 46-ամյա Արմեն Ղազարյանի («Պզո») եւ 54-ամյա Հրայր Բաղումյանի գրավի միջնոդությունները: Երեքն էլ ուղարկվելու են Նյու Յորք, որտեղ շարունակվելու է քննությունը:

Նյու Յորքի Հարավային շրջանի իրավաբան Ջենիֆեր Բերնսը նշել է, որ Բոյաջյանը սպառնալիք է հասարակության համար: Նրա խոսքով, Բոյաջյանը ներգրավված է եղել բառացիորեն հանցավոր շղթայի բոլոր ասպեկտներում: Ըստ Բերնսի՝ Բոյաջյանը մեղսակից է բանկային հաշիվների եւ թալանի մեջ: Մասնավորապես, նրա տան խուզարկությունից 29 հազար դոլարի բանկային չեկեր են հայտնաբերվել եւ 20 հազար դոլար կանխիկ գումար: Նշենք, որ Բոյաջյանն ԱՄՆ-ում բնակվում է արդեն 19 տարի:

Ղազարյանի փաստաբանը միջնորդություն է ներկայացրել, որ իր պաշտպանյալի մոտ գաստրոէնթերոլոգ թողնեն, քանի որ նա գաստրիտ եւ ուժեղ գլխացավեր ունի:

Մեկ այլ մեղադրյալի՝ Արթուր Եպիսկոպոսյանի ընկերներն ու բարեկամները պատրաստակամություն են հայտնել գրավի տակ դնել իրենց տներն ու ունեցվածքը նրա ազատման համար: Սակայն դատարանում նրանց ասել են, որ ի վիճակի չեն լինի ծածկել պետության առջեւ նրա պարտքերը, եթե անգամ աշխատեն ամբողջ կյանքում:

Եպիսկոպոսյանի փաստաբան Ալեքս Քեսսելը հայտարարել է, թե իր պաշտպանյալը հատուկ վտանգ չի ներկայացնում, քանի որ սերտ կապեր ունի հայ համանքի հետ, ունի ամերիկուհի կին եւ մեկուկես տարեկան երեխա: Ջենիֆեր Բերնսը, սակայն, նկատել է, որ Եպիսկոպոսյանը մաֆիայի պարագլուխներից է: Եպիսկոպոսյանի համար որպես գրավ նշանակվել է 1,6 մլն դոլար: Ընդ որում, Եպիսկոպոսյանը տնային կալանքի պայմաններում պետք է հատուկ թեւնոց կրի:

Հրայր Բաղումյանը 2 մլն դոլար պարտք ունի, որոնք առաջացել են ազարտային խաղերից:

Ինչպես արդեն հայտնել է NEWS.am-ը, ամերիկյան իրավապահները ձերբակալել էին հայկական հանցավոր խմբավորման մի քանի տասնյակ ներկայացուցիչների, ովքեր բժշկական ապահովագրության «Medicare» համակարգից մոտ 163 մլն դոլար էին յուրացրել՝ տարբեր մեքենայությունների միջոցով: Հանցախմբի ղեկավարը «Պզո» մականունով հայտնի «օրենքով գող» Արմեն Ղազարյանն է, ում ձերբակալել էին Լոս-Անջելեսում: Ձերբակալված 73 անձանցից մոտ 40-ը հայեր էին, այդ թվում խմբի պարագլուխներ համարվող Ռոբերտ Թերջանյանը, Դավիթ Միրզոյանը եւ այլք:

Մանհեթենի դատախազ Փրիթ Բհարարան հանցավոր խմբավորումը համեմատել է դասական Cosa Nostra-ի հետ՝ հավելելով, որ ապօրինի եկամուտների ծավալով, աշխարհագրական ընդգրկմամբ եւ հավակնությունների մակարդակով իտալական դասական մաֆիան կարող է նախանձել հայկական խմբավորմանը:

Լուրեր Հայաստանից - NEWS.am

Կարդացեք նաև

ԱՄՆ-ում բանտից հինգ կալանավոր է փախել

Նահանգի իշխանությունները նախազգուշացնում են, որ փախուստի դիմած հանցագործները կարող են զինված լինել…

Ինչո՞ւ են Նոր Արեշում սպանել 35-ամյա Արսենին

Մեր տեղեկություններով՝ հետախուզման մեջ գտնվող Համլետ Քոսյանը ամուսնացած է, ունի որդի...

Սուխումի ոստիկանության դպրոցի կուրսանտները սպանել են իրենց ընկերոջը

Հարուցվել է քրեական գործ «Դիտավորյալ սպանություն, որը կատարվել է խմբի կողմից նախնական համաձայնությամբ» եւ «Հրազենի ապօրինի ձեռքբերում եւ պահպանում» հոդվածների հատկանիշներով...

Պարզվել է Նոր Արեշում սպանություն կատարողի ինքնությունը. Նրան որոնում են

Ժամը 18.10-ին «Էրեբունի» բժշկական կենտրոնից հաղորդում էր ստացվել, որ Ա. Մկոյանը գիտակցության չգալով մահացել է...

Պիցցայի առաքիչի վրա կա 26-ամյա Նունեի արյան հետքերը.փորձաքննության արդյունքները

NEWS.am-ի հետ զրույցում Նունե Սարգսյանի ամուսինը՝ Արամ Ապրեսյանը, հայտնեց, որ իրենք չեն ցանկանում, որ գործն ուղարկվի դատարան, քանի որ իրենց համար անհասկանալի բաներ կան...

ԱՄՆ-ում հայը զարմուհու սպանության համար դատապարտվել է 40 տարվա ազատազրկման

Երբ ոստիկանությունը գտավ Արամ Սարուխանյանին, նա կրակեց իր կզակին…

Այս թեմայով

Ավտոմեքենան ընկել է ջրանցքը

Դեպքի վայր է մեկնել մեկ մարտական հաշվարկ ...

«Առավոտ». Մայր Աթոռը Թբիլիսիի միջադեպի մասին չճշտված տեղեկատվություն է տարածել

Հաղորդագրության հայերեն եւ վրացերեն տարբերակներում գնահատականների տարբերություններ են եղել...

Հրդեհ նախկին Շրջկոոպ-ի տարածքում

Այրվել են 12 հա խոտածածկ տարածք, մազութի հորանի շրջակայքում թափված մազութ (20 քմ), չշահագործվող վերամբարձ կռունկի կռունկավարի խցիկը՝ ամբողջությամբ...

Հայտնի է Գյումրիում ռեկտորի եղբոր սպանության մեջ կասկածվողի ինքնությունը

Նա՝ ՀՀ ՊՆ Շիրակի մարզի ռազմական ոստիկանության քրեական հետախուզության բաժնի պետ Արման Կատունյանն է...

Վթար Մայակովսկի-Ձորաղբյուր ավտոճանապարհին

Դեպքի վայր է մեկնել մեկ մարտական հաշվարկ...

«ԳԱԶել» մակնիշի ավտոմեքենան ընկել է ձորը

Հրշեջ-փրկարարները հոսանքազրկել եւ գազազրկել են միկրոավտոբուսը...