Հայաստանում նախընտրական դաշինքների ձեւավորումը գաղափարախոսական հիմք չունի, այլ կնքվում է քաղաքական սառը հաշվարկներով: Այս մասին փետրվարի 7-ին՝ մամուլի ասուլիսի ժամանակ ասաց ԱԺ գիտության, կրթության, մշակույթի, երիտասարդության եւ սպորտի հարցերով մշտական հանձնաժողովի հանրապետական նախագահ Արտակ Դավթյանը:
Նրա խոսքով՝ ստեղծվող որոշ նախընտրական դաշինքների համար շատ դժվար է ասել, որ ընդհանուր գաղափարախոսական հիմքով են ստեղծվում: «Բայց դա բնական է, քանի որ այն բոլոր քաղաքական ուժերը, որոնք խորհրդարանական ընտրություններին մասնակցելու հայտ են ներկայացրել, կարծում եմ, դրան ավելի շուտ սառը հաշվարկով են մոտենում: Եվ դա կապված է այն հանգամանքի հետ, որ նպատակը ապագա խորհրդարանում տեղ զբաղեցնելն է»,- նշեց Դավթյանը: