Ադրբեջանում վերջերս մոդայիկ է դարձել Հայաստանի ցանկացած բարեկամի թշնամի հայտարարել: Այդ մասին Երեւանում հայտարարել է Ռուսաստանի Պետդումայի՝ ԱՊՀ եւ հայրենակիցների հարցերով հանձնաժողովի փոխնախագահ, ԱՊՀ երկրների ինստիտուտի տնօրեն Կոնստանտին Զատուլինը՝ պատասխանելով NEWS.am-ի հարցին:
«Ինձ Ադրբեջանում persona-non-grata են հայտարարել, թեեւ ես չէի էլ ծրագրում այցելել այնտեղ, որովհետեւ ոչ մեկին չեմ ստիպում իմ ներկայությունը: Ես գնում եմ միայն այնտեղ, ուր ինձ հրավիրում են: Բայց Ադրբեջանի այդ գործողությունները ցուցադրական բնույթ են կրում: Ես կարծիք եմ կազմում, որ Ադրբեջանում մարդիկ, որոնց ես հարգում են, սկսում են կորցնել հումորի զգացումը, իսկ դա վատ նախանշան է»,- ասել է Զատուլինը: