Հայաստանի հանրապետական կուսակցությունը դրական է գնահատում Հայաստանի կրթության եւ գիտության նախարար, հանրապետական Արմեն Աշոտյանի գործունեությունը: Այս մասին NEWS.am-ի թղթակցի հետ զրույցում նշել է ՀՀԿ մամուլի քարտուղար Էդուարդ Շարմազանովը:
Նա ընդգծել է, որ Արմեն Աշոտյանի կողմից իրականացվող բարեփոխումները կբարձրացնեն կրթության մակարդակը, ինչպես նաեւ կնպաստեն այդ համակարգում կոռուպցիայի վերացմանը: Շարմազանովը նաեւ հայտնել է, որ Աշոտյանը խոստացել է 10-օրյա ժամկետում կառավարությանը ներկայացնել կրթության ոլորտում կոռուպցիայի դեմ պայքարի արդյունավետ ծրագիր:
Նշենք, որ օրերս Հայաստանի վարչապետ Տիգրան Սարգսյանը կրթության ոլորտը համարել է երկրում ամենակոռումպացվածներից մեկը` առողջապահության ոլորտի հետ միասին:
