Ղարաբաղում անցկացված զորավարժություններն ունեին ինչպես կոնկրետ ռազմական նպատակ` ԼՂՀ պաշտպանության բանակի մարտունակության ստուգումը, այնպես էլ քաղաքական նպատակ` մեսիջ հասցնել Բաքվին, որ ռազմական գործողությունների վերսկսումը կարող է լուրջ ռազմա-քաղաքական հետեւանքներ ունենալ եւ շատ բարձր գին արժենալ նման բան նախաձեռնող երկրի համար: Այս մասին լրագրողների հետ հանդիպման ժամանակ հայտարարել է Կովկասյան ինստիտուտի փոխտնօրեն Սերգեյ Մինասյանը:
Նրա խոսքով, այս զորավարժություններն ամենամասշտաբայինն էին 1994-ի հրադադարից հետո. Անգամ օգտագործված ռազմատեխնիկայի եւ հրետանու քանակով գերազանցել է ռազմական գործողությունների ժամանակ կիրառված տեխնիկային:
«Իմ հաշվարկներով, զորավարժությունների ժամանակ օգտագործվել է ամելի քան 350 միավոր զրահատեխնիկա, այդ թվում հետեւակի մարտական մեքենա, ինքնաշարժ հրետանային զենք, ռազմական ավիացիա»,- ասել է Մինասյանը:
