Հայաստանի ԱԳՆ-ն աբսուրդային է որակել վրացական լրատվամիջոցների տեղեկությունը, ըստ որի Լիսաբոնում ՆԱՏՕ-ի գագաթաժողովին մասնակցող հայկական պատվիրակության անդամներն, իբր, մասնակցել են 80 մարմնավաճառուհիների մասնակցությամբ խրախճանքին:
Ինչպես NEWS.am-ի թղթակցին հայտնել է Հայաստանի ԱԳՆ մամուլի քարտուղար Տիգրան Բալայանը. «Դա այնքան աբսուրդային է եւ չի համապատասխանում իրականությանը, որ անգամ մեկնաբանության կամ հերքման կարիք չունի»:
Իր հերթին տվյալ տեղեկատվությունը հերքել է նաեւ պորտուգալական «Տիարա» հյուրանոցի տնօրինությունը՝ ընդգծելով, թե որեւէ խնդիր չունի հայկական պատվիրակության նկատմամբ:
Նշենք, որ Վրացական լրատվամիջոցները, վկայակոչելով պորտուգալական մամուլը, մասնավորապես, Correio da mahna պարբերականը, հաղորդել էին, որ գագաթնաժողովի ժամանակ վրացական պատվիրակության անդամները «դեբոշ» են սարքել հյուրանոցում եւ խանգարել Նիկոլա Սարկոզիի հանգիստը: Լրագրողների տվյալներով, վրացիները հյուրանոց էին հրավիրել 80 մարմնավաճառների եւ աղմկոտ քեֆ էին կազմակերպել համարներում:
Ֆրանսիայի նախագահ Նիկոլա Սարկոզին, ով բնակվում էր նույն հյուրանոցում, դիմել էր հյուրանոցի ադմինիստրացիային, որն էլ ոստիկանություն է կանչել:
Լրատվամիջոցների փոխանցմամբ, վրացական պատվիրակութայն հետ աղմկոտ քեֆերին ամսնակցել են նաեւ գագաթնաժողովին ամսնակցող հայկական պատվիրակության անդամները: ՆԱՏՕ-ի գագաթնաժողվին ամսնակցել են Հայաստանի ԱԳ նախարար Էդվարդ Նալբանդյանի եւ պաշտպանության նախարար Սեյրան Օհանյանի գլխավորած պատվիրակությունը:
