Ղարաբաղյան հակամարտությունը պետք է կարգավորվի Աքվիլայում եւ Մուսկոկում ԱՄՆ-ի, Ֆրանսիայի եւ Ռուսաստանի նախագահների ընդունած հայտարարություններում նշված սկզբունքների եւ տարրերի հիման վրա: Այդ մասին հայտարարել է Ֆրանսիայի վարչապետ Ֆրանսուա Ֆիոյնը` Աստանայում ընթացող ԵԱՀԿ գագաթաժողովի ամբիոնից: Նրա խոսքով, այդ սկզբունքներն ընդհանուր եւ անբաժանելի են, հաղորդում է NEWS.am-ի թղթակիցը:
Հիշեցնենք, որ կանադական Մուսկոկ քաղաքում «Մեծ ութնյակի» գագաթաժողովի շրջանակներում երեք երկրների նախագահները համատեղ հայտարարություն էին ընդունել, որում կոչ էին արել հակամարտող կողմերին արագացնել հակամարտության կարգավորման հիմնարար սկզբունքների վրա աշխատանքը: Նշված սկզբունքերից էին՝ միջանկյալ կարգավիճակը Լեռնային Ղարաբաղի համար, անվտանգության եւ ինքնակառավարման երաշխիքների ապահովումը, Հայաստանն ու Ղարաբաղն իրար կապող միջանցքի առկայությունը:
