Դեկտեմբերի 7-ը ՄԱԿ-ի Գլխավոր Ասամբլեայի կողմից 1996 թ. հռչակվել է որպես քաղաքացիական ավիացիայի միջազգային օր։ ՄԱԿ-ը նաեւ հորդորել է կառավարություններին, ինչպես նաեւ համապատասխան ազգային, տարածաշրջանային, միջազգային եւ միջկառավարական կազմակերպություններին ձեռնարկել համապատասխան քայլեր՝ այն տոնելու համար: Այս օրը սկսվեց նշվել 1994 թվականի դեկտեմբերի 7-ից` կապված Միջազգային քաղաքացիական ավիացիայի կոնվենցիայի ստորագրման 50-րդ տարեդարձի հետ:
Ըստ Հայաստանի քաղաքացիական ավիացիայի գլխավոր վարչությունից ստացված պաշտոնական տվյալների՝ Հայաստանում օդանավ շահագործելու վկայական ունեն 12 կազմակերպություններ, որոնք իրականացնում են ինչպես կանոնավոր, այնպես էլ ոչ կանոնավոր օդային փոխադրումներ։ Կանոնավոր չվերթներ իրականացնող ավիաընկերություններից ազգային փոխադրող է համարվում «Արմավիա» ավիաընկերությունը:
