Երեւանի քաղաքապետ Գագիկ Բեգլարյանը քիչ առաջ հրաժարականի դիմում է ներկայացրել: Այդ մասին NEWS.am-ին հայտնի է դարձել իր աղբյուրներից: Առայժմ հայտնի չէ, թե ինչ է գրված քաղաքապետի դիմումում:
Ինչպես ավելի վաղ հայտնել էր NEWS.am-ը, Գագիկ Բեգլարյանը ծեծի էր ենթարկել Հայաստանի նախագահի աշխատակազմի արարողակարգի բաժնի աշխատակից Արամ Կանդայանին:
Հիշեցնենք, որ Հայաստանի նախագահ մամուլի քարտուղար Արմեն Արզումանյանը NEWS.am-ին պաշտոնապես հաստատել էր Երեւանի քաղաքապետի մասնակցությամբ միջադեպի փաստը: «Հայաստանի նախագահը բազմիցս արտահայտել է իր հստակ դիրքորոշումը նմանօրինակ արարքների վերաբերյալ: Այդպիսի վարքագիծն անընդունելի է եւ անհանդուրժելի: Իսկ պետական պաշտոնյայի դեպքում` առավել եւս»,- նկատել էր Արզումանյանը:
