Մոսկվայի հյուսիսային հատվածում իրականացված հատուկ օպերացիայի արդյունքում ձերբակալվել է Ադրբեջանի 24-ամյա մի քաղաքացի: Հենց նա է, որ, ըստ հետաքննության արդյունքների, 2010 թվականի հոկտեմբերին կազմակերպել է ինդոնեզացի երկու տրնասվիստիտների առեւանգումը, եւ որջ է ստեղծել Սադովո-Չեռնոգրազյան փողոցում գտնվող բնակարանում:
Նա սեռական շահագործման է ենթարկել առեւանգվածներին եւ դրա դիմաց փող ստացել: Ձերբակալությունը տեղի է ունեցել հետեւյալ կերպ. նոյեմբերի 8-ին ձեւանալով տրասվիստիտներ, այցելել են «սիրո բնակարան», որտեղ պարզել են, որ սեռական ծառայություներ մատուցող «աղջիկները» փաստաթղթերով տղամարդիկ են: Պարզվել է, որ Ինդոնեզիայից եկած այդ անձինք հասցրել են փոխել իրենց սեռը, սակայն չեն հասցրել փոխել իրենց փաստաթղթերը: Նրանց շատ է ուրախացրել օպերատիվ աշխատողների այցելությունը, եւ նրանք անմիջապես հայտարարել են, որ իրենց պատանդ են պահում:
Հոկտեմբերի 1-ին նրանց փակել են բնակարանում, խլել փաստաթղթերը եւ ստիպել մարմնավաճառությամբ զբաղվել՝ չենթարկվելու դեպքում ենթարկելով էլեկտրահարման: Նույն այդ բնակարանում հայտնաբերվել է նաեւ Հայաստանի 26-ամյա մի քաղաքացի, ով որպես պահակ է աշխատել: Սակայն, ինչպես պարզվել է, հանցագործությունը կազմակերպել է բոլորովին այլ մարդ: Նրա նկատմամբ հայտարարված՝ մի քանի ամիս տեւած հետախուզումը հաջողությամբ է պսակվել:
Ձերբակալվածին արդեն մեղադրանք է առաջադրվել «կազմակերպված խմբի միջոցով մարդկանց ազատությունից ապօրինի զրկելու» հոդվածով:
