Լիբանանի դրուզների առաջնորդ Վալիդ Ջումբլատի Առաջադիմական սոցիալիստական կուսակցությունն առաջարկել է 2011թ. խաղաղության Նոբելյան մրցանակի առաջադրել նաեւ WikiLeaks կայքի հիմնադիր Ջուլիան Ասանջին, որը Ջումբլատի կարծիքով, չի վախեցել միայնակ դիմակայել ԱՄՆ հզոր պետական մեքենային:
«Հենց Ասանջն է մոլորակի գլխավոր խաղաղարարը: Նա առանց ձեւափոխման ու մեկնաբանման բացահայտում է փաստեր: Ճշմարտությունն անհրաժեշտ է ամբողջ աշխարհում խաղաղության համար», - ավելացրել է Ջումբլատը:
Հիշեցնենք, որ Կրեմլի անանուն աղբյուրները հասարակական կազմակերպություններին եւս առաջարկել էին Ասանջին առաջադրել Նոբելյան մրցանակի:
