ԵԱՀԿ-ում Ղազախստանի նախագահության ժամանակ կազմակերպության Մինսկի խմբի համանախագահներն ակտիվացրել էին ջանքերը. Այս ձեւաչափը միակն է Ղարաբաղի խնդիրը լուծելու համար: Այս մասին NEWS.am-ի թղթակցի հետ զրույցում հայտարարել է Հայաստանում Լեհաստանի դեսպան Զդիսլավ Ռաչինսկին:
Նրա խոսքով, դա հաջողություն է, որի համար Ղազախստանը շատ ջանքեր է գործադրել: «Շատ բարդ է փոխել կայացած ձեւաչափը եւ որն իրականում աշխատում է: Ինձ թվում է, որ մենք մշտապես հակամարտության լուծում ենք փնտրում, բայց չենք լուծում հակամարտությունը: Տվյալ դեպքում, կոնկրետ Ղասախստանն այնքան էլ շատ գործիքներ չուներ, որպեսզի իրականում ազդեր խնդրի կարգավորման վրա»,- ասել է Ռաչինսկին:
Հիշեցնենք, որ 2011-ին ԵԱՀԿ նախագահությունն անցնելու է Լիտվային: