Հանրապետական կուսակցության 20-ամյակին նվիրված հանդիսավոր նիստին Հայաստանի նախագահ Սերժ Սարգսյանի ելույթի որոշ դրույթներ հաճելիորեն զարմացրել են «Ժառանգություն» խմբակցության ղեկավար Ստեփան Սաֆարյանին:
«Իմ մոտ տպավորություն է ստեղծվում, որ Հայաստանի նախագահը խոսում է Եվրամիության հետ հարաբերությունների մասին, երբ համապատասխան հայտարարություններով հանդես է գալիս Ռուսաստանի ղեկավարը: Այսինքն, այդ իմաստով կարծում եմ, որ Սերժ Սարգսյանը միայն հանդես է գալիս իրավիճակային հայտարարություններով»,- նկատել է պատգամավորը՝ հիշեցնելով, որ առայսօր միայն ընդգծվել է հայկական մենթալիտետի տարբերությունը եվրոպականից:
«Այժմ պարզվում է, որ ամեն ինչում սկսած ցուցափեղկերից մինչեւ իրավական պետություն, մեզ համար ուղենիշ են եվրոպական արժեքները»,- ասել է Սարգսյանը՝ ընդգծելով նախագահի տվյալ մոտեցումը, որը լիովին համահունչ է «Ժառանգություն» կուսակցության դիրքորոշմանը: «Առաջիկայում մենք կտեսնենք, թե ինչպես են կառավարող կոալիցիան եւ Հանրապետական կուսակցությունը, «Ժառանգության» հետ միասին շարժվում այդ ուղղությամբ»,- ամփոփել է Սաֆարյանը: