Դեկտեմբերի 29-ին ժամը 20.00-ի սահմաններում Նոր Հաճն քաղաքի Թումանյան փողոցում անհայտ մակնիշի ավտոմեքենայի վարորդը վրաերթի է ենթարկել մանկահասակ երեխայի, ու, թողնելով անօգնական վիճակում, դիմել փախուստի։ Ինչպես NEWS.am-ին հայտնեց ֆոտոլրագրող Գագիկ Շամշյանը, երեխան տեղափոխվել է Նոր Հաճնի քաղաքային հիվանդանոց, իսկ Ոստիկանության Նոր Հաճնի բաժնում սկսվել է հետաքննություն։ Պարզվել է երեխայի ինքնությունը, ով Նոր Հաճնի թիվ 2 դպրոցի աշակերտ 10-ամյա Արսեն Արմենի Հակոբյանն է։ Ձեռնարկվում են օպերատիվ միջոցառումներ վրաերթի հեղինակին հայտնաբերելու ուղղությամբ։