Վրաստանի այցելած զբոսաշրջիկներն ամենաշատը սիրում են Թբիլիսին: Վրաստանի զբոսաշրջության ազգային գործակալության զեկույցի համաայն, զբոսաշրջիկների 75 տոկոսն այցելում է Թբիլիսի: Հարկ է նշել, որ դա կարող է պայմանավորված լինել այն հանգամանքով, որ Թբիլիսին երկրի գլխավոր հաղորդակցային կենտրոնն է:
Թբիլիսիին հաջողդում են Բաթումին` 44 տոկոս, Մցխեթան` 18 տոկոս, Քութաիսին` 10, Գորին` 10, Սիգնախին` 8, Կազբեգին` 7 տոկոս:
Աջարիա այցելած զբոսաշրջիկների թիվը նախորդ տարվա համեմատ աճել է 78 տոկոսով եւ տարեվերջին կազմել 926 հազար 10 զբոսաշրջիկ:
Վրաստան այցելած զբոսաշրջիկների 78 տոկոսը հարեւան երկրներից են: Ադրբեջանից այցելել է 488 հազար 461 զբոսաշրջիկ, Թուրքիայից` 485 հազար 137, Հայաստանից` 479 հազար 377: 2010-ին Վրաստան են այցելել 158 հազար 421 զբոսաշրջիկներ Ռուսաստանից:
