Այսօր` հունվարի 7-ի առավոտյան 71 տարեկան հասակում մահացել է Անահիտ Բայանդուրը: Հայտնի է, որ նա սրտի հետ կապված խնդիրներ ուներ:
Անահիտ Բայանդուրը հայտնի թարգմանիչ էր. նա թարգմանում էր հիմնականում ժամանակակից հայ գրականության ստեղծագործություններ: Այդ ստեղծագործություններն արտասահմանում հայտնի են դարձել հենց նրա շնորհիվ:
Բացի այդ, Անահիտ Բայանդուրը ղարաբաղյան շարժման ժամանակ Մոսկվայում համակարգել է Շարժման արտաքին կապերը Ռուսաստանի եւ աշխարհի այլ երկրների հասարակական-քաղաքական շրջանակների հետ:
Բայանդուրը նաեւ Հայաստանի առաջին գումարման Գերագույն խորհրդի պատգամավոր է եղել: Նա Ուլոֆ Պալմեի անվան խաղաղության մրցանակի դափնեկիր էր, հայտնի իրավապաշտպան: