Եվրահանձնաժողովի նախագահ Ժոզե Մանուել Բարոզուի Ադրբեջան այցեության շրջանակում այլ փաստաթղթերի հետ մեկտեղ կստորագրվի նաեւ «Հարավային միջանցքի» մասին համատեղ հռչակագիրը:
Ադրբեջանական APA գործակալության հաղորդմամբ, հռչակագիրը նախատեսվում է ստրագրել Բարոզուի` Ադրբեջանի նախագահ Իլհամ Ալիեւի հետ հունվարի 13-ի հանդիպման ժամանակ:
Նշենք, որ Բարոզուն Ադրբեջան կայցելի հունվարի 13-ին: Այցելության ընթացքում կքննարկվեն Ադրբեջանի եւ Եվրամիության հարաբերությունների բոլոր ոլորտները: Իսկ հունվարի 14-ին Եվրահանձնաժողովի նախագահը կմեկնի Թուրքմենստան:
«Հարավային էներգետիկ միջանցքը» կարող է միավորել Nabucco ծրագիրը եւ Թուրքիայի, Իտալիայի ու Հունաստանի միջեւ գազատարը: