Ներկայումս զենքի առեւտրի լիցենզավորման գործընթացը կարգավորվում է միայն «Զենքի մասին» եւ «Լիցենզավորման մասին» ՀՀ օրենքներով: Զենքի առեւտրի լիցենզավորման կարգ ՀՀ կառավարության կողմից մինչ օրս սահմանված չէ:
ՀՀ ոստիկանությունը որոշել է լրացնել բացը, եւ կառավարության քննարկմանն է ներկայացրել զենքի առեւտրի լիցենզավորման կարգ։ Հարցը կքննարկվի կառավարության հունվարի 13-ի նիստի ընթացքում։
Նախատեսվում է, որ զենքի առեւտրի լիցենզիա կարող են ստանալ միայն իրավաբանական անձինք։ Խիստ պայմաններ են առաջադրվելու այն շինություններին, որտեղ պետք է պահպանվի եւ վաճառվի զենքը։ Օրինակ՝ շենքերի պատերը, միջնորմները, առաuտաղը, հատակը պետք է լինեն կապիտալ կառուցված, քարե շարվածքի հաuտությունը պետք է լինի առնվազն 360 մմ, պատերի բետոնե բլոկները` առնվազն 200 մմ, երկաթբետոնե ծածկերը` առնվազն 180 մմ, երկշերտ բետոնե բլոկները` յուրաքանչյուրը 90 մմ Շինությունը պետք է ունենա երկաթե հաստ դուռ, վանդակապատ դուռ։ Պատուհանները պետք է ծածկված լինեն առնվազն 16 մմ տրամագծով երկաթյա ձողերից պատրաuտված` 150x150 մմ-ից ոչ ավելի չափի վանդակաշարով։
Նորարարություն կարելի է համարել այն հանգամանքը, որ լիցենզիա ստանալու համար անհրաժեշտ փաստաթղթերը կարող են լիցենզավորող մարմին հանձնվել առձեռն կամ փոստով կամ էլեկտրոնային համակարգի միջոցով: