Հայաստանի Հանրապետական կուսակցության եւ «Բարգավաճ Հայաստանի» միջեւ հակամարտություն չկա, լրագրողների հետ զրույցում հավաստիացրել է Հայաստանի խորհրդարանի նախագահ, հանրապետական Հովիկ Աբրահամյանը:
«Պարզապես այդ երկու քաղաքական ուժերը տարբեր կարծիքներ ունեն որոշ հարցերում, բայց այսօրվա դրությամբ նրանց միջեւ լուրջ խնդիրներ չկան: Առայժմ գործում է կոալիցիոն հուշագիրը, ստորագրված երեք կառավարող կուսակցությունների միջեւ, եւ նրանք աշխատում են այդ փաստաթղթի շրջանակներում: Ես որեւէ սպառնալիք չեմ տեսնում»,- հայտարարել է Աբրահամյանը` կոչ անելով, միաժամանակ, կոալիցիոն ուժերին կոռեկտություն պահպանել արտահայտություններում: «Նրանք, ովքեր վիրավորում են իրար, պետք է պատասխանատվություն կրեն»,- հավելել է նա:
Նշենք, որ ՀՀԿ-ի եւ ԲՀԿ-ի միջեւ պարբերաբար կոնֆլիկտներ են առաջանում, որոնք վերածվում են փոխադարձ մեղադրանքների եւ վիրավորանքների:
