Ավանի ֆուտբոլի ակադեմիայում ուսումնամարզական հավաք անցկացնող Հայաստանի մինչեւ 19 եւ մինչեւ 17 տարեկանների հավաքականներն այսօր միմյանց հետ անցկացրել են երկրորդ ստուգողական հանդիպումը: Գրանցվել է ոչ-ոքի` 1-1 հաշիվը:

Հաշիվը բացել են ավելի կրտսեր տարիքի ֆուտբոլիստները: Աչքի է ընկել Երեւանի «Բանանցի» կիսապաշտպան Սիփան Դավթյանը: Մինչեւ 19 տարեկան ֆուտբոլիստների կազմում հաշիվը հավասարեցրել է գերմանական «Ֆրայբուրգի» խաղացող Դավիթ Մարիկյանը: Հիշեցնեմ, որ նախորդ խաղն ավարտվել էր մինչեւ 17 տարեկանների հաղթանակով` 3-0 հաշվով: Վարազդատ Ավետիսյանի եւ Սուրեն Չախալյանի գլխավորած ընտրանիները փետրվարի 22-ին կանցկացնեն եւս մեկ հանդիպում: