Facebook սոցիալական ցանցում «Մարտի 11-ը՝ ազգի օր» խումբ է ստեղծվել։ Խումբն ստեղծվել է ադրբեջանցի երիտասարդ ակտիվիստների կողմից։
Մարտի 2-ի երեկոյան խմբում եղել է 1700 մասնակից։
Խմբի ստեղծողներից Էլնուր Մաջիդլին «Ազատություն» ռադիոկայանին տված հարցազրույցում հայտարարել է, որ խմբի ստեղծման նպատակը «զանգվածային անհուսությանը վերջ տալն է»:
«Մարտի 11-ի ամսաթիվը պատահաբար է ընտրվել։ Միաժամանակ այդ օրը լրանում է Եգիպտոսի նախագահ Հոսնի Մուբարաքի հեռանալու մեկ ամիսը»:
Խմբի ստեղծումը ոչ միանշանակորեն է ընդունվել հենց ցանցում։ Կրկնակի շատ են խմբին միանալ չցանկացողները՝ շուրջ 3000 հոգի։
Կազմակերպիչները գրում են, որ դա իշխանամետ օգտագործողների արձագանքն է, երբ միեւնույն օգտագործողը ստեղծում է միանգամից 5-10 պրոֆիլներ եւ դրանցից ձայն է տալիս «հրաժարումը»: