Հայաստանի ԱԺ նախագահ Հովիկ Աբրահամյանը համոզված է, որ Ադրբեջանի եւ Հայաստանի նախագահները մարտի 5-ին Սոչիում փորձելու են ինչ-որ մի լուծում գտնել եւ դրական տեղաշարժ է լինելու ԼՂ բանակցություններում: Այս մասին այսօր՝ մարտի 3-ին Հ. Աբրահամյանն ասել է լրագրողների հետ զրույցում, անդրադառնալով մարտի 5-ին Սոչիում կայանալիք Հայաստանի, Ռուսաստանի եւ Ադրբեջանի նախագահների եռակողմ հանդիպմանը:
Նա կարծիք է հայտնել, որ թեեւ որեւէ լուրջ բան չի ակնկալում, սակայն, դրական գործընթացներ կսկսեն զարգանալ:
Ինչ վերաբերում է Ադրբեջանի ռազմատենչ հայտարարություններին, խորհրդարանի խոսնակի խոսքով, դա Ադրբեջանի զենքն է, որով փորձում են ահաբեկել Հայաստանին, «սակայն Հայաստանի նախագահը հստակ հայտնել է, որ հայկական կողմը պատերազմ չի ցանկանում, բայց նաեւ պատրաստ է պաշտպանել իր հողն ու ժողովրդին»:
«Մենք հստակ մեր դիրքորոշումներն ասել ենք եւ պատրաստ ենք այդ 3 սկզբունքների շուրջ բանակցել` ուժի չկիրառում, ժողովրդի ինքնորոշման իրավունք, տարածքային ամբողջականություն»,- նշել է ԱԺ նախագահը: