Հայկական Սփյուռքը կարեւոր գործոն է, որը միավորում է Արեւելքը Արեւմուտքին եւ կարող է մեծապես նպաստել Հայաստանի տնտեսական զարգացմանը։ Այսօր՝ մարտի 11-ին «Այլընտրանք» հետազոտական կենտրոնի կազմակերպած քննարկման ընթացքում հայտարարեց Արժույթի Միջազգային Հիմնադրամի հայաստանյան ներկայացուցիչ Գիլերմո Տոլոսան։
Նրա խոսքով՝ Հայաստանը կարիք ունի կապիտալիզացնել Սփյուռքի ակտիվները եւ դրանք կիրառել ի շահ Հայաստանի։
Պատասխանելով ներկաներից մեկի հարցին՝ Գ. Տոլոսան ասաց, որ Սփյուռքի հնարավորությունները լիովին չեն օգտագործվում։ «Սփյուռքը այն մեծագույն գործոններից մեկն է, որը կարող է զարկ տալ Հայաստանի տնտեսությանը»,- ասաց Գ. Տոլոսան։