Սամսուն-Ջեյհան նավթատարի շինարարության նախագծի գործընկերները նախագծի վերամշակման համար ժամանակ են վերցրել, Ռուսաստանը խորհուրդներ է սպասում Թուրքիայից, հայտնել է Ռուսաստանի էներգետիկայի նախարար Սերգեյ Շմատկոն։
Ավելի վաղ հաղորդվել էր, որ ռուս-թուրքական միջկառավարական հանձնաժողովի 11-րդ նիստում որը մարտի 4-ին անցկացվել է Կազանում, քննարկվել է նավթատարի նախագիծը, սակայն հաննձաժողովի որոշումը չի բարձրաձայնվել, հայտնում է «ՌԻԱ Նովոստին»։
«Ներկայումս մենք թուրք գործընկերներից համապատասխան առաջարկներ ենք սպասում»,- ասել է նախարարը։
Սամսուն-Ջեյհան նավթատարը նախատեսվում է անցկացնել թուրքական Սամսուն քաղաքից մինչեւ միջերկրածովյան Ջեյհան նավահանգիստը։ Ի սկզբանե նավթատարը հաշվարկված է եղել տարեկան 60-70 մլն տոննա նավթ տեղափոխելու համար։