Ճապոնիայում սարսափելի ողբերգության ֆոնին տեղի լրագրողները ինտերնետային կայքում տեղադրել են սրտաճմլիկ վարքով շնիկի մասին հոլովակ, որը ցունամիից հետո կորցնելով տիրոջը, հավատարիմ հսկում է իր ճակատագրին արժանացած վիրավոր ընկերոջը։
«Անվերջ հավատարմություն» անունը կրող տեսանյութը YouTube-ում ամենաշատ դիտված տեսահոլովակն է. այն դիտել է ավելի քան 50 հազար մարդ։
Տեսանյութում երեւում է, թե ինչպես է շնիկը հոգ տանում վիրավոր ընկերոջ մասին, որի վզին էլ վզկապ կա կապված։ Մի պահ նույնիսկ կենդանին հանգիստ թաթով գրկում է շնիկի վիզը։ Տեսանյութի մեկնաբանություններում նշվում է, որ երկու շնիկներն էլ փրկվել են, նրանցից մեկը անասնաբուժարանում է, իսկ հոգատար շնիկին տեղավորել են կենդանիների համար նախատեսված կացարանում։