Վրաստանի նախկին նախագահ Էդուարդ Շեւարդնաձեն հայտարարել է, թե Վրաստանի ներկայիս քաղաքական սպեկտրի ֆոնին երկրի նախագահ Միխայիլ Սահակաշվիլին լավագույնն է:
«Սահակաշվիլին կարող է բոլորից էլ լավ… Սահակաշվիլիին, որպես քաղաքական գործչի, ես դաստիարակել եմ եւ վատ եմ դաստիարակել, բայց, այդուհանդերձ, նա մնացածներից լավ է»,- ասել է Շեւարդնաձեն:
Գնահատելով Սահակաշվիլիի գործունեությունը` Շեւարդնաձեն նախազգուշացրել է, որ Վրաստանի նախագահը պետք է ավելի զգույշ լինի ամերիկացի միլիարդատեր Դոնալդ Թրամփի հետ հարաբերություններում, քանի որ Թբիլիսիին պետք է ԱՄՆ գործող վարչակազմի բարեհաճությունը, այլ ոչ նախագահի թեկնածուների:
«Սահակաշվիլին առանց այդ էլ լավ հարաբերություններ չունի նախագահ Բարաք Օբամայի հետ, իսկ Թրամփի` ապագա թեկնածուի հետ մերձեցումը, կարող է բացասաբար ազդել Վրաստանի վրա»,- նշել է Շեւարդնաձեն:
Խոսելով Վրաստանի վիճակի մասին, նախկին նախագահն ասել է, թե չի հավատում խորհրդարանի նախկին նախագահ Նինո Բուրջանաձեի նախագահական հավակնություններին:
