Բաքու-Թբիլիսի-Կարս երկաթուղային մագիստրալի վերականգնման նախագծի իրականացման համար ընթացիկ տարում կծախսվի 300 միլիոն դոլար: Այս մասին մարտի 24-ին հայտարարել է Վրաստանի Տարածաշրջանային զարգացման եւ ենթակառուցվածքների նախարար Ռամազ Նիկոլաիշվիլին, գրում է վրացական «Մեդիանյուզ» գործակալությունը:
Ինչպես նշել է նախարարը, երկաթուղային մագիստրալի համար նախատեսված շինարարական նախագիծը կիրականացնի 3000 մարդ:
«Սա հավակնոտ, իրական եւ Վրաստանի համար հատուկ կարեւորություն ունեցող ծրագիր է»,-ընդգծել է նա: