ՀՅԴ բյուրոյի անդամ Վահան Հովհաննիսյանը դեմ չէ, որ ապագայում Հայաստանի մայրաքաղաքը դառնա Ստեփանակերտը: Այս մասին նա հայտարարել է այսօր` ապրիլի 6-ին «Սիվիլիթաս» հիմնադրամի կողմից կազմակերպված «100 հարց եւ պատասխան» քննարկումների շարքի ժամանակ:
Պատասխանելով հարցին, թե նա ինչպե՞ս է վերաբերում Հայաստանի մայրաքաղաքն ապագայում Ստեփանակերտ տեղափոխելուն, նա ասաց, որ գերադասում է Կարսը: Հովհաննիսյանի խոսքով` Հայաստանի մայրաքաղաքը Ստեփանակերտը դարձելը գեղեցիկ եւ գրավիչ գաղափար է: Այնուամենայնիվ, պատգամավորը հիշեցրեց, բացի իրավաբական բարդություններից, անհրաժեշտ կլինի նաեւ ջանքեր գործադրել, որպեսզի Ստեփանակերտը դառնա գեղեցիկ եւ մեծ թվով բնակիչների քաղաք:
