Facebook-ում Ադրբեջանի իշխանությունների դեմ ակցիայի կազմակերպիչներից մեկին հետախուզում են հայտարարել Ինտերպոլով:
Փարիզում բնակվող Էլնուր Մաջիդլիի նկատմամբ քրեական գործ է հարուցվել` պետության դեմ կոչեր անելու համար, հաղորդում է APA-ն:
Մաջիդլին Facebook-ում «Մարտի 11-ժողովրդական մեծ օր» խմբի կազմակերպիչներից է, եւ իր էջում գրել է, թե գտնվում է Եվրոպայի Խորհրդում, որտեղ հանդիպումներ է ունենում Ադրբեջանում ստեղծված իրավիճակի վերաբերյալ:
Ինչպես արդեն հայտնել է NEWS.am-ը, նախօրեին Բաքվում դատավճիռ է կայացվել ադրբեջանցի հինգ ընդդիմադիրների նկատմամբ, ովքեր մասնակցել էին ապրիլի 2-ին կազմակերպված բողոքի ակցիային: Այդ օրը ձերբակալվել էր առնվազն 100 ընդդիմադիր: