Երեւանում ապրիլի 16-ին 23:30-ի սահմաններում, Օհանովի եւ Գուսան Շերամի փողոցների խաչմերուկում տեղի է ունեցել ավտովթար:

Ինչպես NEWS.am-ին հայտնում է ֆոտոլրագրող Գագիկ Շամշյանը, 27-ամյա Գառնիկ Մուրադյանը վարելով Mitsubishi մակնիշի 22 ՏՕ 655 համարանիշի ավտոմեքենան, ընդհարվել է 53-ամյա Հակոբ Հարությունյանի վարած «ՎԱԶ-21070» մակնիշի Տ 7115 համարանիշի տաքսի ավտոմեքենային: Վթարի հետեւանքով տաքսու վարորդը տեղափոխվել է «Մալաթիա» բժշկական կենտրոն:

Դեպքի վայրում քննչական աշխատանքները ղեկավարել է ոստիկանության քննչական գլխավոր վարչության Երեւանի քննչական գլխավոր վարչության ճանապարհատրանսպորտային հանցագործությունների քննության բաժնի քննիչ Դավիթ Մարտիրոսյանը: Նրա հանձնարարականով ավտոմեքենաները տեղափոխվեցին ՃՈ տուգանային հրապարակ:  ՃՏՀ քննության բաժնում նյութեր են նախապատրաստվում:

Լուսանկարները՝ Գագիկ Շամշյանի