«Ազադլիգ» (Ազատություն) ռադիոկայանը որոշ մեջբերումներ է անում միջազգային իրավապաշտպան Freedom House կազմակերպության «Freedom on the Net 2011» զեկույցի` Ադրբեջանին վերաբերող հատվածից:
Ադրբեջանի իշխանություններն ինտերնետում լայն գրաքննություն չեն իրականացնում, սակայն 2009թ. ընթացքում մի քանի անգամ ժամանակավորապես արգելափակվել են նախագահին քննադատող կայքերը:
Առավել կոշտ է իրավիճակը ինքնավար Նախիջեւանում, որտեղ, բնակիչների, պնդմամբ, իրենք չեն կարողացել դիտել «Ազադլիգ» եւ «Բիզիմ յոլ» ընդդիմադիր կայքերը: Սահմանափակվել է նաեւ www.azadliq.org-ը` «Ազատություն» ռադիոկայանի ադրբեջանական ծառայութան կայքը:
Արգելափակման յուրաքանչյուր դեպք շարունակվել է մի քանի շաբաթ:
2009թ. իշխանություններն արգելափակել են անկախ կազմակերպությունների կայքերը, որոնք բաց են եղել արտերկրից:
Կառավարությունը պաշտոնապես չի ընդունում կայքերի արգելափակման դեպքերը:
Նշենք, որ զեկույցում Ադրբեջանը «մասամբ ազատ» երկրների ցանկում է:
«Freedom on the Net 2011» զեկույցը ներկայացվել է ապրիլի 18-ին: Freedom House կազմակերպությունը եկել է եզրակացության, որ իշխանություններն ավելի հաճախ են մուտք գործում ինտերնետ եւ ոտնահարում ազատությունները: Զեկույցում նշվում է, որ վերջին 2 տարում որոշ երկրներ քաղաքական վերահսկողության տակ են վերցրել ինտերնետ-կոնտենտը, իսկ նրանք, ովքեր նախկինում սահմանափակել են մատչումը, նոր միջոցների եւ գործիքների դիմելով:
Այդ իմաստով ամենաազատ երկիրը Էստոնիան է, երկրորդ տեղում ԱՄՆ-ն է, երրորդում` Գերմանիան: Հնգյակում են նաեւ Ավստրալիան եւ Մեծ Բրիտանիան:
Ո ազատ են Չինաստանը, Կուբան, Բելառուսը, Իրանը, Թայլանդը, Բահրեյնը, Սաուդյան Արաբիան, Թունիսը, Վիետնամը, Եթովպիան եւ Մյանմարը: