Մյասնիկյանի պողոտայում այսօր` ապրիլի 20-ին ժամը 18:50-ի սահմաններում «Մամա Ֆլորա» ծաղկի խանութի մոտ տեղի է ունեցել խոշոր ավտովթար:

Ինչպես NEWS.am-ին հայտնում է ֆոտոլրագրող Գագիկ Շամշյանը, ճանապարհի այդ հատվածում միմյանց են բախվել միանգամից 5 ավտոմեքենա` «Նիվա» մակնիշի 22 ԼՕ 668 համարանիշի, «ՎԱԶ-2107» մակնիշի Տ 2353 համարանիշի, «ՎԱԶ-2107» մակնիշի Տ 0196 համարանիշի, «Մերսեդես E-320» մակնիշի 01 ՏՏ 440 համարանիշի եւ մեկ արտասահմանյան մակնիշի ավտոմեքենաները:

Բարեբախտաբար զոհեր եւ վիրավորներ չկան, սակայն վթարի հետեւանքով այդ հատվածում առաջացել էր խցանում: Երթեւեկությունը կարգավորելու համար ոստիկանության հետաքննիչների հետ վթարի վայր էին ժամանել Երեւանի Ճանապարհային ոստիկանության աշխատակիցները, ովքեր փորձում էին ազատել ճանապարհը:

Ոստիկանության հետաքննչական բաժանմունքում նյութեր են նախապատրաստվում:

Լուսանկարները եւ տեսանյութը՝ Գագիկ Շամշյանի