Ղրղըզստանի արտակարգ իրավիճակների նախարարության պատվիրակությունը Հայաստան է ժամանել ուսումնասիրելու բնական աղետների հետեւանքների ռիսկերի նվազեցման ռազմավարության ազգային պլատֆորմի ստեղծման Հայաստանի փորձը։ NEWS.am-ի թղթակցի հետ զրույցում Ղրղզստանի ԱԻՆ ներկայացուցիչ Չինարա Գյուլբաեւան տեղեկացրեց, որ 4 օրվա ընթացքում ուսումնասիրել են Հայաստանի փրկարարների փորձը, եւ գրանցած դրական արդյունքները նախատեսում են կիրառել Ղրղըզստանում:

Ըստ նրա՝ Ղրղըզստանը մտադիր է մայիսի 8-13-ին Ժնեւում կայանալիք Աղետների ռիսկերի նվազեցման միջազգային պլատֆորմի գագաթաժողովում ներկայացնել ազգային փրկարարական պլատֆորմը, որի ձեւավորման համար ցանկանում են նաեւ Հայաստանի փորձը կիրառել:

Գյուլբաեւան տեղեկացրեց նաեւ, որ գագաթաժողովի շրջանակում ծրագրված է նաեւ Հայաստանի եւ Ղրղզստանի արտակարգ իրավիճակների նախարարների հանդիպումը, որի ընթացքում կքննարկվեն երկկողմ գործակցության ընդլայնման հարցեր։