Երեւան-Վանաձոր աավտոճանապարհի 97-րդ կմ-ի հատվածում ապրիլի 26-ին ժամը 20:30-ի սահմաններում, վարելով ԿԱՄԱԶ մակնիշի բեռնատար ավտոմեքենան` 37-ամյա Գագիկ Ավդալյանը դուրս է եկել երթեւեկելի հատվածից, բախվել կողնակի երկաթե բաժանարար գծին եւ շրջվել:
Այս մասին NEWS.am-ին հայտնում է ֆոտոլրագրող Գագիկ Շամշյանը:
Բարեբախտաբար զոհեր եւ վիրավորներ չկան: Մեքենան պատկանում է «ԷՍ ԸՆԴ ՎԻ ՏՐԱՆՍ» ՍՊԸ-ին:
Դեպքի վայրում աշխատել են ճանապարհային ոստիկանության 2-րդ գումարտակի 5-րդ սպայական վաշտի 1-ին դասակի աշխատակիցները: Դեպքի վայր է ժամանել քարշակ ավտոմեքենան, վթարի ենթարկված «ԿԱՄԱԶ»-ը տեղափոխելու համար:
Դեպքի առթիվ Ճանապարհային ոստիկանության 5-րդ սպայական վաշտի հետաքննչական բաժանմունքում նյութեր են նախապտրաստվում:
Լուսանկարներըեւ տեսանյութը` Գագիկ Շամշյանի