ԵՄ ընդլայնման եւ հարեւանության քաղաքականության հարցերով հանձակատար Շտեֆան Ֆյուլեն հայտարարում է ղարաբաղյան հարցում ռազմատենչ հռետորաբանության անթույլատրելիության մասին:
Երեւանում այսօր` ապրիլի 29-ին կայացած մամուլի ասուլիսում եվրահանձնակատարը հայտարարել է, թե «հարեւանությունը չի ապահովվի մինչեւ հակամարտության` միջազգային իրավունքի սկզբունքների վրա հենված խաղաղ կարգավորումը»:
Այդ կապակցությամբ նա հիշեցրել է երեք սկզբունքները` ուժի չկիրառում, տարածքային ամբողջականություն, ժողովրդի ինքնորոշման իրավունք:
Ֆյուլեն իր կողմից հավաստիացրել է, որ Եվրամիությունն իր կողմից աջակցելու է ԵԱՀԿ Մինսկի խմբի ջանքերին: Նա նկատել է, թե ԵՄ-ն լրջորեն անհանգստացած է շփման գծում միջադեպերին եւ ոչ պակաս անհանգստացած է ուժի հնարավոր կիրառումից, որպես հակամարտության լուծման տարբերակ: Նրա խոսքով, պետք է, որ բոլոր ներգրավված կողմերը հասկանան, որ զինված ուղին անթույլատրելի է: «Կողմերի համար պետք է հստակեցնել հռետորաբանությունը»,- նկատել է եվրահանձնակատարը: Ֆյուլի խոսքով, բանակցային գործընթացում կա որոշակի առաջընթաց, կողմերը առաջ են շարժվում, եւ կարեւոր է, որ դա արտացոլվի հռետորաբանության մեջ:
