Վրաստանում արձանագրվել է 3 բալ հզորությամբ երկրաշարժ, հայտնում է երկրի սեյսմիկ մոնիտորինգի կենտրոնը: Երկրաշարժը տեղի է ունեցել մայիսի 4-ի առավոտյան` տեղական ժամանակով ժամը 05:29-ին, Թբիլիսիից 26 կիլոմետր հեռավորության վրա գտնվող տարածքում: Էպիկենտրոնը եղել է Ծալկայի բնակավայրում, հայտնում է «Ինտերֆաքս»-ը:
Ստորերկրյա ցնցումների հետեւանքով զոհեր եւ ավերածություններ չեն արձանագրվել: Սա վերջին շաբաթվա ընթացքում արդեն չորրորդ երկրաշարժն է Վրաստանում: Նախորդ երեքը տեղի են ունեցել այլ շրջաններում: Մասնավորապես, Ռաչա տարածաշրջանի Օնսկի շրջանում, որտեղ ստորերկրյա ցնցումների հզորությունը չի գերազանցել 3,5 բալը: