2011 թ. առաջին եռամսյակում Հայաստան է ներմուծվել 7700 ավտոմեքենա։ Այդ մասին նշված է ՀՀ կառավարությանն առընթեր պետեկամուտների կոմիտեի պաշտոնական հրապարակման մեջ։ 2010 թ. առաջին եռամսյակի համեմատ ներմուծված մեքենաների քանակն ավելացել է 2,2 անգամ։
Նշենք, որ եռամսյակին կտրվածքով մեքենաների ներմուծման ռեկորդը գրանցվել է 2008 թ., երբ առաջին եռամսյակի ընթացքում ներմուծվել էր 9500 մեքենա։ Ճգնաժամի ազդեցությամբ մեքենաների ներմուծումը Հայաստան կտրուկ նվազեց։ Նվազում արձանագրվեց եւ 2009-ին, եւ 2010-ին։ Սակայն այս տարվա առաջին եռամսյակի միտումները ցույց են տալիս, որ բնակչության գնողունակությունը կրկին վերականգնվում է։
Հիշեցնենք, որ 2010 թ. Հայաստանը ներմուծել էր մոտ 20 հազ. ավտոմեքենա, որի մոտ 40 տոկոսը՝ առաջնային վաճառքի համար։