Արցախի նախագահ Բակո Սահակյանը մայիսի 21-ին ընդունել է ամերիկահայ բժիշկ ու բարերար Հարութ Մեսրոպյանին եւ նրան ուղեկցող անձանց:
Արցախի նախագահի աշխատակազմի տեղեկատվության գլխավոր վարչությունից NEWS.am-ին հայտնում են, որ հանդիպմանը, որին ներկա էր վարչապետ Արա Հարությունյանը, քննարկվել են Արցախում բուժկետային ցանցի զարգացման եւ այս համատեքստում պիլոտային առաջին նախագծի իրականացման հետ կապված հարցեր:
Երկրի ղեկավարը կարեւորել է նման առողջապահական ենթակառուցվածքի նշանակությունը մեր հանրապետության համար, ընդգծելով, որ այն շոշափելի դերակատարություն կունենա հատկապես գյուղական բնակավայրերում: