ՆԱՏՕ-ի գլխավոր քարտուղարը ղարաբաղյան հարցում այդ կազմակերպության դերը չի տեսնում։ Մայիսի 23-ին տեղի ունեցած մամուլի ասուլիսի ժամանակ այս մասին հայտարարեց Հայաստանում Լեհաստանի դեսպան Զդիսլավ Ռաչինսկին՝ պատասխանելով այն հարցին, թե հնարավո՞ր է, որ ղարաբաղյան հակամարտության կարգավորմանը մասնակցեն ՆԱՏՕ-ի խաղաղապահ զորքերը։
Ռաչինսկու խոսքով, դա էթնիկ-տարածաշրջանային հարց է, որի լուծումը կախված է երկու հարեւան երկրներից։ «Այլ երկրները բանակցությունների ընթացքում կարող են հանդես գալ միայն որպես միջնորդներ»։
Դեսպանը նաեւ հույս հայտնեց, որ Հայաստանն ու Ադրբեջանը ղարաբաղյան հակամարության կարգավորման ճանապարհին երբեւէ փոխզիջումային լուծում կգտնեն։
«Խաղաղապահ զորքերի անհրաժեշտությունը կլինի այն ժամանակ, երբ Հայաստանի ու Ադրբեջանի միջեւ համաձայնագիր ստորագրվի։ Սակայն խաղաղապահ ուժերի առկայությանը դեմ են Իրանը եւ Ռուսաստանը»,- ասաց Ռաչինսկին։
Դեսպանը նաեւ կանխատեսեց, որ հեռավոր ապագայում ՆԱՏՕ-ի մասնակցությունը տարածաշրջանում, տեսնում է բացառապես տեխնիկական աջակցման պլանում։
