«Ստեփանակերտի օդանավակայանը նորություն չէ, այն գործում էր դեռ 80-ականներից, ուղղակի հիմա օդանավակայանը վերազինվում է եւ շինարարական աշխատանքների ավարտից հետո կաշխատի առաջվա նման»,- «Էխո Մոսկվի» ռադիոկայանին տված հարցազրույցում ասել է Ստեփանակերտի քաղաքապետ Վազգեն Մելիքյանը։ «Օդանավերը ներքին թռիչքներ կիրականացնեն, ասենք, Ստեփանակերտ-Երեւան ուղղությամբ»,- հայտարարել է քաղաքապետը։

Միքայելյանը հայտնել է, որ օդանավերը կլինեն միջին կարգի՝  30-50 տեղանոց։

«Ղարաբաղի օդանավակայանը կհամապատասխանի միջազգային բոլոր չափանիշներին եւ անվտանգության բոլոր չափանիշներին, որոնք ներկայացված են ինչպես մեգապոլիսներին, մեծ օդանավակայաններին, այնպես էլ մեր օդանավակայանին։ Ոչ մի բացառություն։ Այլ կերպ հնարավոր չէ»,- հավաստիացրել է քաղաքապետը։

Նշենք, որ Ստեփանակերտում օդանավակայան բացելու որոշումը բուռն զայրույթ էր առաջացրել Ադբեջանում, անգամ հայտարարություններ էին հնչել, որ օդանավերը կպայթեցվեն։ Այդ հայտարարություններին ի պատասխան՝ Հայաստանի նախագահ Սերժ Սարգսյանն ասել էր, որ Երեւան-Ստեփանակերտ ավիաչվերթի առաջին ուղեւորն ինքն է լինելու։