Ադրբեջանական մեղմ ասած ոչ բարոյական քաղաքականությունը արդեն անընդունելի է բոլորի համար: ԱԺ հայտարարությունների ժամին նման հայտարարություն արեց ԱԺ ԲՀԿ խմբակցության պատգամավոր Վահե Էնֆիաջյանը:
«Բանակցությունը խաղաղ ճանապարհով ուղորդող միջնորդ երկրները արդեն բազմիցս հորդորել են ազերիներին եւ նրանց «միապետ Ալիեւին» հետ քաշել դիպուկահարներին սահմանամերձ գոտիներից, բայց ադրբեջանական քաղաքականությունը չի փոխվում, որովհետեւ վախկոտի հոգեբանություն ունեցող պետությունը չի էլ կարող փոխվել: Բնական ռեսուրսներին ապավինող այս երկրի ղեկավարները ամեն կերպ փորձում են արհամարել միջազգային պայմանավորվածությունները»,-նշեց պատգամավորը:
Նրա խոսքով, ադրբեջանական արտաքին քաղաքական կարգախոսը «չկա կարգավորված խնդիր, չկա համագործակցություն», զուրկ է ցանկացած տրամաբանությունից:
«Եվ պատերազմով մշտապես սպառնացող հակառակորդի առկայությամբ էլ`պիտի պայմանավորվի մեր`ավելի համախմբված ու միասնական լինելը, տնտեսության հզորացումը, միջազգային քաղաքականության ճկունությունը եւ, իհարկե, հայոց բանակի մարտունակությունը, որը միակ երաշխիքն է մեր ընտանիքների անվտանգության, պետության կայունության ու հզորացման համար»,-նկատեց խորհրդարանականը:
