Երեւանում այսօր` մայիսի 25-ին բացվեց զբոսաշրջային միջազգային խոշոր ցուցահանդես` CTS2011 (Caucasus Travel Show): Սա GTS-ի թվով 11-րդ ցուցահանդեսն է, կազմակերպիչն է Ճամփորդական Գործակալների Հայկական Միությունը եւ ճամպորդական Գործակալների Ամերիկյան Միության հայաստանյան ներկայացուցչությունը` էկոնոմիկայի նախարարության հովանավորության ներքո:
Ցուցահանդեսն ուղղված է տարածաշրջանային զբոսաշրջության զարգացմանը: Պատահական չէ, որ առանձին տաղավարներով ներկայացված էին ընկերություններ Վրաստանից, Լեռնային Ղարաբաղից, Հնդկաստանից եւ Լատվիայից: Ցուցահանդեսին ընդհանուր առմամբ մասնակցում են 90 ընկերություններ, որոնցից` 14-ը վրացական:
Ցուցահանդեսի բացման ժամանակ Էկոնոմիկայի փոխնախարար Արա Պետրոսյանը հայտարարեց, որ այս տարի Հայաստանում սպասվում է զբոսաշրջային այցելությունների 20 տոկոս աճ, իսկ առաջին եռամսյակի կտրվածքով աճը 22 տոկոս է:
