2011թ. սկզբից ռասիստական եւ նեոազգայնամոլական հարձակումների արդյունքում Ռուսաստանում սպանվել է 11 մարդ, առնվազն 55-ը վիրավորվել է: Նման տվյալներ է հաղորդում «ՍՈՎԱ» կենտրոնը:
Մասնավորապես, հետազոտության տվյալներով, մայիսին տուժել են 9 մարդիկ, նրանցից մեկը` Հայաստանի մի քաղաքացի մահացել է:
2011թ. մայիսին այլատյացության համար հինգ դատավճիռ է կայացվել` Կուրգանի, Կուրսկի, Մոսկվայի, Տվերի եւ Խաբարովսկի մարզերում: Դատապարտվել են հինգ մարդ: 19-ամյա մի երիտասարդ ռասիստական բովանդակության կարգախոսները պատերին գրելու համար դատապարտվել է մեկ տարվա պայմանական ազատազրկման: