Ադրբեջանը թույլ չի տա Հայաստանի մասնակցությունը տարածաշրջանային նախագծերին, որոնց մասնակցում է Քաքուն, այդ թվում Բաքու-Թբիլիսի-Ջեյհան նախագծին: Այս մասին 1news.az-ին հայտնել են Ադրբեջանի ԱԳՆ մամուլի ծառայությունից:
Հիշեցնենք, որ Հայաստանում Վրաստանի դեսպան Թենգիզ Շարմանաշվիլին վերջերս մամուլի ասուլիսում կտրականապես հերքել է միտքը, թե Բաքու-Թբիլիսի-Կարս երկաթգծի նախագիծը միտված է Հայաստանի մեկուսացմանը:
«Հայաստանի մեկուսացման մասին խոսք անգամ լինել չի կարող»,-հայտարարել է դեսպանը: Ինչ վերաբերում է Թբիլիսիի եւ Երեւանի հարաբերություններին, դեսպանը հավաստիացրել է, որ Հայաստանի մեկուսացման մասին երբեք խոսք չի գնացել: Վրաստանը բազմիցս ապացուցել է իր բարիդրացիական վերաբերմունքը Հայաստանի նկատմամբ, անգամ «երբ մենք չունեինք նորմալ իշխանություններ»:
