Հայաստանի կրթության եւ գիտության նախարարությունում այսօր` հունիսի 3-ին տեղի է ունեցել 2012 թվականին Երեւանում կայանալիք ԱՊՀ երկրների ուսուցիչների 2-րդ համագումարի նախապատրաստության համար ստեղծված միջգերատեսչական հանձնաժողովի անդրանիկ նիստը:
ԿԳՆ մամուլի ծառայությունից NEWS.am-ին հայտնում են, որ ԿԳ նախարար Արմեն Աշոտյանը նշել է, որ համագումարը նոր հնարավորություններ կստեղծի ինչպես կրթության եւ գիտության ոլորտում միջպետական համագործակցության զարգացմանը, կրթության բովանդակության արդիականացմ ան, նորարակական մոտեցումների փոխանակման, այնպես էլ կրթության միջոցով անդամ երկրների միջեւ բարեկամական կապերի ամրապնդման համար:
Համաձայն օրակարգի՝ ԿԳ փոխնախարար Մանուկ Մկրտչյանը ներկայացրել է տեղեկատվություն 2010-ին Աստանայում կայացած ԱՊՀ երկրների ուսուցիչների առաջին համագումարի վերաբերյալ, ինչպես նաեւ քննարկման ներկայացրել ԱՊՀ մասնակից պետությունների ուսուցիչների 2-րդ համագումարի հայեցակարգն ու նախնական ծրագրերը: