Իշխանությունների եւ ընդդիմադիր Հայ ազգային կոնգրեսի միջեւ երկխոսությունը, այսպես թե այնպես, կուլիսային ձեւով ընթանում է վերջին երեք ամիսներին, որի արդյունքում ազատ արձակվեցին բոլոր քաղբանտարկյալները, թույլ տրվել ՀԱԿ-ին հանրահավաքներ անցկացնել Ազատության հրապարակում եւ ակտիվացավ 2008-ի մարտի 1-ի գործով հետաքննությունը: NEWS.am-ի թղթակցի հետ զրույցում նման տեսակետ է հայտնել քաղաքագետ Երվանդ Բոզոյանը:
«Այդ համատեքստում, ՀԱԿ-ն իզուր է փորձում հասարակությանը համոզել, թե երկխոսությունը իշխանությունների եւ ՀԱԿ-ի միջեւ մինչ այժմ չի եղել եւ նոր պետք է սկսվի»,- ասել է փորձագետը, միաժամանակ դժվարանալով կանխատեսել այդ գործընթացի արդյունքը: Նա խորհուրդ տվեց տեղի ունեցողը դիտարկել սպասվող ընտրությունների պրիզմայով:
