Արցախի նախագահ Բակո Սահակյանն այսօր` հունիսի 27-ին Ասկերան շրջկենտրոնում մասնակցել է նոր մարզադաշտի բացման հանդիսավոր արարողությանը:
ԼՂՀ նախագահի մամուլի գրասենյակից NEWS.am-ին հայտնում են, որ երկրի ղեկավարը կարեւորել է մարզական նման օբյեկտների դերակատարությունը շրջկենտրոններում ու շրջաններում սպորտի եւ ֆիզիկական կուլտուրայի զարգացման եւ առողջ սերնդի դաստիարակության գործում:
Բակո Սահակյանն արժեքավոր նվերներ է հանձնել մարզադաշտի շինարարությանն ակտիվ մասնակցություն ունեցած մի խումբ անձանց:
Միջոցառմանը մասնակցել են Հայ առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, Ազգային ժողովի խոսնակ Աշոտ Ղուլյանը, պաշտոնատար այլ անձինք: