Իսրայելական ռազմաօդային ուժերի ներկայացուցիչները հայտարարել են, որ Գազայի հատվածին հասցված օդային հարվածով ոչնչացրել են ստորգետնյա գետնուղին, որից իբր օգտվել են պաղեստինցի ահաբեկիչները: Ինչպես հաղորդում է «Ալ Կուդս» ռադիոկայանը, ռմբահարման մասին տվյալները հակասական են: Հաղորդվում է, որ օդային հարվածը հասցվել է քաղաքի արեւելյան մասում գտնվող գործարանին, արդյունքում մեկ մարդ վիրավորվել է:
Միժամանակ` իսրայելական աղբյուրները փոխանցում են, որ ոչնչացվել է պաղեստինցի գրոհայինների կողմից օգտագործվող թունելը: Իսրայելի պաշտպանության նախարարությունից հայտնել են, որ հարվածը եղել է ի պատասխան հրթիռակոծման:
