Ոստիկանության Երեւան քաղաքի վարչության եւ Նոր Նորքի բաժնի ծառայողները սեպտեմբերի 9-ին, ժամը 16.30-ին, Ազատամարտիկների փողոցի մի բնակարանից բերման են ենթարկել 21-ամյա Անդրանիկ Ս.-ին:
Ոստիկանության լրատվական ծառայությունից NEWS.am-ին հայտնում են, թե նա խոստովանել է, որ որպես անվտանգության ծառայության տեսուչ աշխատելով «Հայրենիք» տոնավաճառում` օգոստոսի 30-ին բացել է տոնավաճառի տարածքում գտնվող համակարգիչների սրահի դուռը եւ գողացել 700 հազար դրամ ընդհանուր արժողության համակարգիչների դետալներ:
Կատարվում է նախաքննություն:
