Արցախի հանրապետության նախագահ Բակո Սահակյանն այսօր` սեպտեմբերի 17-ին, ընդունել է «Հայաստան» համահայկական հիմնադրամի Մոնրեալի մասնաճյուղի ատենապետ Անդրանիկ Սիրինյանին` տիկնոջ հետ:
ԼՂՀ նախագահի մամուլի գրասենյակից NEWS.am-ին հայտնում են, որ հանդիպմանը քննարկվել են Արցախում տարբեր ծրագրերի իրականացման հետ կապված հարցեր:
Նախագահ Սահակյանը բարձր է գնահատել կանադահայ համայնքի դերը Արցախի շենացման գործում` երախտագիտություն հայտնելով նման հայրենանվեր գործունեության համար: